Jer 8 | Ndebele | STEP | Ngalesosikhathi, itsho iN kosi , bazakhupha amathambo amakhosi akoJuda, lamathambo eziphathamandla zayo, lamathambo abapristi, lamathambo abaprofethi, lamathambo abahlali beJerusalema, emangcwabeni abo;

1 Ngalesosikhathi, itsho iNkosi, bazakhupha amathambo amakhosi akoJuda, ^a lamathambo eziphathamandla zayo, lamathambo abapristi, lamathambo abaprofethi, lamathambo abahlali beJerusalema, emangcwabeni abo; 2 baweneke ^b elangeni ^c lenyangeni, lakulo lonke ibutho lamazulu, ^d abakuthandayo, labakusebenzelayo, labakulandelayo, labakudingayo, labakukhonzayo; ^{e
,} ^f kawayikubuthwa, ^g kawayikungcwatshwa; ^h azakuba ngawomquba phezu kobuso bomhlaba. ⁱ 3 Njalo ukufa kuzakhethwa kulempilo yiyo yonke insali yabaseleyo balolusapho olubi, ^j kuzo zonke indawo zabaseleyo lapho engibaxotshele khona, ^k itsho iNkosi yamabandla.

Izono lokugweba

4 Uzakuthi kibo futhi: Itsho njalo INkosi: Bazakuwa ^l bangavuki yini? Uzaphambuka angaphenduki yini? 5 Pho, baphambukelani lababantu eJerusalema ngokuphambuka ^m okulaphakade? ⁿ Babambelela enkohlisweni, ^o bayala ukuphenduka. ^p 6 Ngilalele ngezwa, ^q kabakhulumanga kuhle; kakulamuntu ozisolayo ngobubi bakhe esithi: Ngenzeni? Wonke uphendukela emjahweni wakhe ^r njengebhiza ligijimela ^s empini. ^t 7 Yebo ingabuzane emazulwini liyazazi izikhathi zalo ezimisiweyo; ^{u
,} ^v lejuba lehemu ^w lenkonjane kuyagcina isikhathi sokubuya kwakho; ^x kodwa abantu bami kabazazi izimiso zeNkosi. ^{y
,} ^z 8 Litsho njani ukuthi: Sihlakaniphile, lomlayo weNkosi ulathi? ^aa Khangelani, isibili usiba lwamanga lwababhali lusebenzela ize. ^ab 9 Abahlakaniphileyo bayangekile, ^ac besabe kakhulu bathethwe; ^ad khangela, balalile ilizwi leNkosi; pho balenhlakanipho bani? 10 Ngakho omkabo ngizabanika abanye, ^ae amasimu abo kwabazakudla ilifa labo; ngoba kusukela komncinyane kuze kufike komkhulu bonke bayizihwaba zenzuzo embi, kusukela kumprofethi kuze kube kumpristi wonke wenza ngenkohliso. 11 Ngoba balipholise kancane inxeba lendodakazi yabantu bami, besithi: Ukuthula, ukuthula; khona kungelakuthula. 12 Baba lenhloni yini lapho sebenze amanyala? Hatshi, kababanga lanhloni lakanye, ^af futhi kabakwazi ukuyangeka; ngakho bazakuwa phakathi kwabawayo; ngesikhathi sokuhanjelwa kwabo bazawiselwa phansi, itsho iNkosi. 13 Isibili ngizabaqeda, itsho iNkosi; kakuyikuba khona ^ag izithelo zevini evinini; ^{ah
,} ^ai njalo kakuyikuba khona imikhiwa emkhiweni, ^aj lehlamvu lizabuna; ^ak lengibanike khona kuzakwedlula kibo.

14 Sihlaleleni? Buthanani, ^al singene emizini evikelweyo, ^am sithule khona; ^an ngoba iNkosi uNkulunkulu wethu isithulisile, yasinathisa amanzi enyongo, ^ao ngoba sonile eNkosini. 15 Salindela ukuthula, ^ap kodwa kakubanga lokuhle; isikhathi sokwelatshwa, kodwa khangela, luhlupho. ^aq 16 Ukuthimula kwamabhiza akhe kwezwakala ^ar kusukela koDani; ^as ilizwe lonke lathuthumela emsindweni wokukhonya ^at kwalamandla akhe; ^au ngoba afikile, adla ilizwe ^av lokugcwala kwalo, umuzi labahlala kiwo. 17 Ngoba khangelani, ngithumela phakathi kwenu izinyoka, ^aw amabululu, ^ax angelakulunjwa, njalo azaliluma, ^ay itsho iNkosi.

UJeremiya ukhalela ilizwe lakoJuda

18 Ukududuzwa kwami kusosizini, inhliziyo yami iphelelwa ngamandla kimi. ^az 19 Khangelani, ilizwi lokukhala kwendodakazi yabantu bami livela elizweni elikhatshana. ^ba INkosi kayikho eZiyoni yini? Inkosi yayo kayikho phakathi kwayo yini? ^bb Bangicunuleleni ngezithombe zabo ezibaziweyo, ^bc ngokuyize kwabezizwe? 20 Isivuno sidlulile, ihlobo liphelile, kanti thina kasisindiswanga. 21 Ngokwephuka ^bd kwendodakazi yabantu bami ngephukile; ^{be
,} ^bf ngimnyama; ^bg ukumangala okukhulu kungibambile. 22 Kakulabhalisamu* yini eGileyadi? ^bh Kakho yini umelaphi khona? Ngoba kungani kungaveli ukwelatshwa ^bi kwendodakazi yabantu bami? ^bj